قصة حقيقية قصيرة ، اليكم قصة حقيقية واقعيه قصيرة تجمع جميع الرجال او البنات في الحياه المختلفه التي يتعرض لها عندهم في مسيره ايامنا التي نعيشها على سطح الكره الارضيه و انها تحدث في جميع البشر حيث وانه لا احد يفهم من هذه المشاكل ولكن يوجد من هو اقوى ويوجد من يحتاج الى القوه أعرف القصة في المقال الاتي .
قصة حقيقية قصيرة
في مرة رحت اشتري فينو ولقيت الراجل بتاع الفينو قدامه صاج مليان باتيه بالعسل ومغطية بسلوفان
المهم قولتله بكام الواحده من دي ؟؟؟
قالي ب 2 جنيه.
قولتله طيب انا مش معايا غير جنيه ونص
قالي هات نص جنيه وتعالى
قولت بيني وبين نفسي لسه هروح البيت واجي تاني !!!
فقولتله طيب بص شيل من الفينو رغفين علي الجنية ونص اللي معايا يبقي كده وصلك 2 جنيه تمن الباتيه.
قصة قصيرة نتعلم منها
محاولات رهيبة مني علشان احصل علي قطعة الباتيه اللي العسل مغرقها ومستخبيه تحت السلوفانه ومتحاوطه بصاجها الحديد
المهم اخيرا حصلت علي قطعة الباتية وحطهالي في كيس بلاستك
جيت امسكها واكلها لقيتها ناشفة جدا وطعمها سئ.
ركنتها علي جنب ومشيت زعلان علي حاجتين
الجنية ونص اللي خسرتهم و رغفين الفينو اللي بعتهم
خلاصة كلامي اوعي تخسر حد او تبيعه علشان حد تاني متزوق قدامك وباين انه حلو والعسل نازل منه
جايز يكون رغفين الفينو دول اهلك اللي هتعاندهم علشان خاطر حد انت شايف جماله ومتعرفش انه جمال مزيف
جايز يكون رغفين الفينو دول اصحابك اللي هتخسرهم بسبب عدم اهتمامك ليهم بعد ماتلميت علي حد تاني وطلع فلصووو، كانت هذه قصة حقيقية قصيرة واقعية قد تحدث للبنات والرجال في إيامنا تحدث لنا في حياتنا في أي مجال.
ملخص القصة القصيرة
جايز صاخب بتحبه بس إتلسعت منه كذا مرة وممكن يجبلك مشكلة كبيرة متقدرش تحلها ، جايز تكون واحدة متزوقه وملزقه تعرفها وهتموت عليها وتخسرك بيتك وأهلك وتهدمه وفي الاخر تسيبك وتروح لغيرك
جايز وجايز وجايز
خليك عارف ومتاكد من حاجة
ان صاج الحياة مليان بلاوي … وكتير من الناس اللي فكرتهم باتيه بالعسل … طلعو بسكوت مملح.