اسافر ولا افضل فى مصر بعد الزواج نصائح حول السفر بعد الزواج مش عارف اسافر ولا افضل فى مصر لأني تزوجت ومحتاج اكون نفسي بس الزوجة والبيت وهل أخذ زوجتي وإن كان يوج أطفال لأن السفر غربة وكما تعرفون السفر بره مصر يكون مختلفة لأن العيشة مختلفة.
اسافر ولا افضل فى مصر
سافر قبل ما المسؤليه تكبر عليك وتقول ياريتني
لدلوقتي انت خفيف هتعرف تتخرك وتسافر لوحدك وبمرونه بس احرص انك تاخد زوجتك بعد فتره حتي لو هتشتغل معاك …
لان بعد كده المسؤليه بتكبر ومش هتعرف تعمل الخطوه دي بعدين لانك هتفكر مليون مره قبل ما تاخد قرار ومش هتاخده لان ولادك هيصعبوا عليك.
انا عندي تجربة غربة ومرمطة .. نصيحة لوجه الله اتغرب في اي مكان براحتك بس اوعى تسيب وراك زوجتك او اولادك ..
اوعى تبعد عن زوجتك وأولادك حتى لو كنت حاتكسب دهب .. اوعى اوعى اوعى
لو فترة بسيطة اوكي
بس لو اكتر من سنة حتى لو حاتأخذ مال قارون بلاش.
لو هتجبهم سافر لو مش هتجبهم منصحكش انا بقالى ٦ سنين بره وشوفت نماذج كتير عندهم مشاكل بالهبل بسبب الموضوع ده وبتوصل للأنفصال.
السفر بره مصر بعد الجواز مع الزوجة
بص يا غالي ساااافر لو في فرصه كويسه. اضغط علي نفسك وخلي قدامك هدف وااااااحد. تكون عايز تحققه. مثلا هدفك يكون انك يبقى معاك 300 الف جنيه هتضغط علي نفسك وزوجتك كمان تستحمل لحد متعمل المبلغ دا. وتنزل فورا. لان لو الطمع خدك. هتفضل طول عمرك متغرب. اسمع من اخوك سافر اعمل مبلغ معين فى وقت معين وانزل اعمل مشروع وابتدى. بنفسك وتبقى صاحب عمل لنفسك ومتشتغلش عند حد. اشتغل واتعب بفلوسك ولنفسك. واوعي تاخد مراتك معاك لانك كدا مش هتعمل حاجه. هتاكل وتشرب زى متكون عايش فى مصر ونش هتحوش ريال واحد. الله المستعان.
ياخي سافر ولما الدنيا تحلو معاك ابقي خدهم ده قولا واحداً اهرب يابني ادام هي مصر يتعاش فيها،