كيف اصالح حبيبي وهو زعلان مني بعد الغضب

كيف اصالح حبيبي وهو زعلان مني انا تعبان جدا فوق ما أي حد يتخيل عايز اعرف ازاي اصالح حبيبي وهو زعلان مني لو كلامي ملغبط وطويل معلش، انا مراتي وحب عمري ونور عيني اللي كبرت قدامي من وهي عيله صغيره
انا غلطت في حقها جامد زعلانه ومش عارف  كيف اصالح حبيبي وهو زعلان مني كده، إحنا اتخطبنا فتره طويله جدا على سبيل ان ابقي حاجزها ليا على  ما تكبر وعرفت عليها بنات في الخطوبه مره واتنين وهي كانت تاخد موقف صارم وتبعد عني وانا كنت بعمل المستحيل علشان نرجع تاني وبالفعل كنا بنرجع.

كيف اصالح حبيبي وهو زعلان مني

هي حاطه فيا امل كبير وان ابقي سند ليها ومكسرهاش
للاسف والدها خان مامتها وتزوج عليها وهي كانت هتفشكل الخطوبه علشان معندهاش امان لحد وانا وقفت جمبها وطمنتها ووعدتها ان مستحيل اعمل كده وفعلا انا والله العظيم بحبها.

وقفت جمبي كتير وساعدتني كتير  ماديا ونفسيا ومعنويا علشان اقف على رجلي ونتجوز والحمد لله حياتنا كويسه جدا وهي على قدر عالي من الجمال شكلا واخلاقا واهلي بيحبوها جدا واخواتي علاقتهم بيها ممتازه وامي بتموت فيها ووالدي الله يرحمه قبل مايموت وصاني عليها جدا.

ازاي اصالح حبيبي وهو زعلان

للعلم انا اكبر منها بحوالي 10سنين وشكلي جمبها كأني اخوها الكبير محدش بيصدق اني جوزها لان انا شكلي كبير عن سني و كمان شكلها اصغر من سنها هي في منتصف العشرينات ومعانا طفلين الحمد لله وعلميا شهادتها اعلي من شهادتي بكتير.

للاسف انا طبعي وحش عصبي اوي غصب عني بحكم ظروف الشغل الملغبطه وتقريبا هي اللي شايله مصاريف البيت والاولاد وعمرها ماشتكت، ودايما هاديه وبتحاول تريحني على اد ماتقدر واكتر كمان والله العظيم هي ست كويسه جدا في كل حاجه بس انا اللي شيطاني مقويني.

مشكلة مع حبيبتي وهي زعلانه مني

المشكله بقي انا اتعرفت على بنت كاصحاب عادي مفيش بينا اي حاجه  بس هزارنا اوفر شويه من وجهه نظر مراتي وللاسف هي شافت الشات بينا وزعلت وانا لميت الموضوع بسرعه واتصالحنا في نفس اليوم بس شيطاني مسكتش عشان كده بقول كيف اصالح حبيبي وهو زعلان مني يا جماعة.

وبعد عشر ايام روحت قابلت البنت دي في كافيه
ومراتي كانت عارفه ومقالتش انها عارفه وجت وشافتني ماسك ايديها وفضلت واقفه مستخبيه بعيد مراقباني وشايفه ضحك وهزار وكده.

مشكلة مع مراتي بسبب واحدة

وفي وسط القاعده انا حطيت ايدي على ضهر البنت بعدها بعشر دقائق لقيت مراتي واقفه قدامي اقسم بالله انا حسيت اني اتشليت م الخضه، مراتي متكلمتش ولا كلمه ولفت ومشيت طلعت وراها بسرعه وفضلت ازعقلها واقولها انتي اي اللي جابك هنا وازاي تخرجي من غير اذن.

فضلت ازعق وهي باصالي وساكته وبعد ماخلصت زعيق لقيتها بتقولي وبعدين وايه اخره اللي انت فيه ده واي اللي انا شايفاه ده، هبيت في وشها وفضلت ازعق سابتني ومشيت البنت اللي كانت معايا قولتلها اجري وراها وفهميها ان مفيش بينا حاجه.

وفعلا البنت جريت ورا مراتي ووقفتها وقالتلها انتي فاهمه غلط وكلام كتيىر ومراتي هذاتها بالادب من غير اي لفظ خارج ومراتي سابت البيت وسابتني ومشيت وفضلت ازعقلها فون 3 ايام وهي مبقتش ترد عليا وابوها قالي هنطلق خلاص.

اهلي لما عرفوا اللي حصل زعلوا مني وامي بهدلتني و روحنا علشان نراضيها وهي مصممه على الطلاق مش قادر اطلقها بحبها وبحب عيالي مش قادر وبعد مقابلات كتير بين الاهل قالوا هترجع بشروط وطلبات وانا وافقت بكل الشروط علشان عاوزها.

شروط الزوجة عشان ترجع البيت بعد الزعل

بس لما دخلت لها الاوضه في بيت اهلها علشان اراضيها قالتلي لسه ناقص شرط قولتلها موافق من قبل ماتقولي قالتلي إسمع الاول انا هرجع البيت لولادي وبس علشان يبقوا ليهم ام واب في بيت واحد ملكش عندي اي حقوق زوجيه مع الحفاظ على الوضع الاجتماعي قدام الناس والاهل انا وافقت بس كنت معتقد ان ده شرط وهترجع فيه.

مستحيل هتقدر تعيش كده معايا وهي بتموت فيا
ورجعت البيت وبقالنا تسع شهور على الوضع ده انا تعبان ومحتاجها وهي تقولي لو قربتلي هسيب البيت
بحاول معاها بكل الطرق هدايا ومصاريف وخروج واي حاجه تطلبها مفيش فايده بنتكلم عادي ونهزر وناكل مع بعض وعند العلاقه لا.

كيف اصالح زوجتي بعد الغضب

حاولت كتير لدرجه انها في مره قالتلي انا مش قادره انا لما بقرب منك واغمض عيني بشوف كل حاجه حصلت في الكافيه انت كسرتني وكل دقبقه وقفتها كنت بموت فيها وانا شايفاك بتخوني.

اي فرح اي مناسبه احاول معاها بالهداوه والدلع تعيط وتقولي مش قادره انت كسرتني وخيبت املي فيك يابنت الناس ده مش وضع مفيش فايده.

اخر حاجه من شهر قالتلي اللي انت عاوزه اعمله حقك الشرعي خده وانا مش هبقي معاك انا هسيلك جسمي بس تتمتع بيه الكلمه وقعت عليا زي الصاعقه زعقتلها وقولتلها مستحيل اوعي تعملي كده.

وفعلا انا عاوزها هي وعاوز روحها وضحكها وطريقتها ودلعها وكل حاجه فيها انا تعبان من غيرها ونفسي ترجع تستقبلني بالاحضان من ع الباب زي الاول.

علي فكرة هي هنا قولولها انها وحشتني قولولها انا اتعلمت الادب وتوبت والله العظيم ماليا غيرها ومش شايف غيرها انا موجوع ببعدها عني ونفسي حتي انام جمبها بس ابقي معاها في نفس الاوضه.

مشكلتي مع مراتي العصبية

انا غلطان وعصبي وبتصرف غلط بس مليش غيرها يستحملني ويحتويني انا بقيت تايه وبسرح كتيىر وبفكر فيها اكتر من الاول انا مقدرش اعيش مع واحده غيرها ولا بقيت اعرف حد خالص.

والله لما بسمع صوتها بتعيط بالليل ببقي نفسي اموت علشان اريحها ارجوكم اي الحل مع العلم هي مستقله ماديا وتقدر تصرف على الاولاد يعني انا ماليش دور في حياتها ومحدش يقولي طلقها علشان ده مستحيل.

انا كاتبلك عشان تدعوله وتدعولها ربنا يهديهم ويرجعهم لبعض ويبعد عنهم ولاد الحرام ولو عندكم اي نصيحة كيف اصالح حبيبي وهو زعلان مني قولولي عليها.