مشكلة الزوج البخيل في البيت مع بخل المشاعر انا مشكلتي مع الحرص مع زوجي عايزه اعرف حلول رأيكم مع مشكلة الزوج البخيل في الصرف على المستلزمات ورغم مرتبي بصرف منه طبعا وهقولكم على القصة كلها كالأتي.

مشكلة الزوج البخيل

نستحمل بعض لغايه ما اولادنا يشدو حيلهم عندى اولاد اربع سنين وسنتين وبعدين ننفصل وانت هاتاخد العيال لانه هايصرف عليهم اكتر مش عارفه دايما بقول كده ليه بس اللى انا متاكده منه انى مش هاقدر اعيش معاه كده واضييع عمرى وعيالى اكيد مش هايبقو مرتاحين وهما شايفين امهم تعبانه نفسيا….. مش عارفه ان كنت اوڤر ولا انا عندى حق.

جوزى مش بخيل فى الفلوس بس حريص جدا خصوصا عليا وانا عمرى فى حياتى ما طلبت حاجه وعمرى ما كنت طماعه بس اكتشفت انه معاه فلوس كتير ومخبى عليا ومش بس كده بيمثل عليا ويحور عليا انا مش معايا فلوس بيعة الدهب وطبعا تقول حاضر ولو عايزه حاجه يفهمنى انه هايجيبها قسط بس هايدفع القسط من المصروف الشخصى ليا ٌاللى هو الحاجات اللى كل الستات بتحتاجها كل شهر كوافير وكريم و حاجات خاصه كان بيخصم منها وانا استغنى عن حاجات اساسيه.

البخل في المشاعر عند الزوج

شهر اجيب وشهر لا و حاجات من النوع ده غير انه طبعا بخيل فى مشاعره عمره ماقالى كلمه حلوه وطول ماحنا مابنتكلمش مع بعض نبقى زى الفل واول مانتكلم فى اى موضوع مهما كان تافه نتخانق بالتلت ساعات ويدخل فى مواضيع ومحدش يقولى ماترديش عليه هو مابيسبش فرصه وكمان غلاط ويغيظ وكلامه وحش ويجرح ومابيرضينيش بعد كده.

انا شايله منه جامد و كتير بايعنى وعمره ما حاول يصلح مابينا كنت اقوله تعالى نروح لشيخ يفهمنا ولا اى دكتور علاقات زوجيه لانه غبى مش فاهم لما بقوله الكلام اللى انت بتقوله ده بيجرحنى واعيط لانى حساسه جدا يقولى الحياه مش بتقف على حد وبلاش الحركات وجو المسلسلات ده انتى كبرتى وداخله على التلاتين.