خطوات تعليم البوتى للدكتور محمد رفعت بنتي مش بتحب البوتي ما هو الحل ، سوف نتحدث هنا عن خطوات تعليم البوتى للدكتور محمد رفعت مع تجارب الامهات في صورة خطوات تعليم الطفل الجلوس على البوتي أو القصرية كما يطلق عليها البعض حيث تشتكي الكثير من الأمهات عن إن بنتها مش بتحب البوتي ولذلك سوف نضع إليكم معلومات هامة من الأمهات التي قاموا بخوض هذه التجربة كاملة من حيث السن المناسب وخطوات قد قاموا بأدائها غير نصائح الدكتور محمد رفعت المشهورة والمرفقة في الموضوع في صورة فيديو يسهل عليكم منه الحصول على المعلومات المطلوبة.
تجارب تعويد الطفل على القصرية
من أهم خطوات تعليم البوتي للطفل العنيد كما تنصح أم من الامهات وتقول بصى اهمسى فى ودنها اليمين وهى نايمة وقولى بنتى شطورة ماما وبابا بيحبوها لما تعوز تعمل حمام هاروح لوحدها هى كبرت خلاص أن شاء الله مرة فى مرة هاتقوم لوحدها ابنى كان كدة.
كثير سنتين و3شهور دانا ابني عندو سنه ونص وبيروح يقعد عليه لوحدو انتي الي غلطانه مفروض كنتي قعتيها عليها من زمان.
شيلي السجاد غطي الانتريه وعيشي بقى والاحسن لكل الامهات علشان مايتعبوش مع اطفالهم انهم يعودو البيبي وهو لسة شهور ع البوتي ف اي وقت تلاقوه بيعمل قلعوه وقعدوه عليها لحيث انه يعرف ان في مكان تاني غير البامبرز بيتعمل فيه….أنا ولادي من وهم 6شهور كانوا يصحوا من النوم اقعدهم عليها مش مشكلة الحق مرة واتنين لا بس ليثبت معاهم أنه في مكان بيت عمل فيه حمام ولما قل عنهم ماتعبونيش الحمد لله.
خطوات تعليم البوتى للدكتور محمد رفعت
الجزء الأول من شرح خطوات تعليم البوتى للدكتور محمد رفعت
الجزء الثاني من شرح خطوات تعليم البوتى للدكتور محمد رفعت
انا امبارح بس قلعت بنتي البامبرز علشان اغيرلها وعقبال ما جبت البامبرز التاني لقتها عاملت جريمه في حق السجاده وكنت هصوت والمنظر كان زفت بجد دي اصعب مره بتمر بيها الام.
تعليم البوتي للطفل العنيد
بصي ابني سنتين وشهرين اهو النصيحه متزعقلوش استحملي. قلعي البامبرز الصبح وابدئي اليوم القصريه جمبه يفطر يقعد شويه ولو عمل وبخيه حاجه بسيط. ايه انت عملت علي نفسك اف كده كخ وبعدين. مره اديله بمبوني وقوله لو عملت. هجبللك كمان المهم متضربهوش. انا بقالي اربع ايام. الميه عملها بس الكخ لسه معملوش بيمسك نفسه ومبازح عملها ع الارض واوله علي نفسه. لو عملها في البوتي مره هيشيل حاجز الخوف. الموضوع محتاج صبر وربنا يعينا يارب.
السن المناسب لتعليم الطفل الحمام علميا
بسم الله الرحمن الرحيم ….عن تجارب أمهات في السن المضبوط بداءتي من سنة ونص….أول ما تحسي أن طفلك عندو إدراك…بمعنى بيشاور ع حجات عاوزها وبيفهم لما تقولي اقعد..كمثال…وطبعا انتى هتبداءى ومتستنيش نتيجة سريعة النتيجة ستظهر ف حد أقصى شهرين وحد أدنى اسبوع او اسبوعين.
طبعا هترتاحى امتى وكل شويه هدخلوا واقعدوا اول ما بصحى وكل نص ساعة وبعد الاكل بخمس دقائق …وتجيبى اللعب وتعدى معاة وتحطى البوتى ف مكان اللعب واى مكان ممكن يعد فيه غير الحمام لانه هيعيط ، بس لما يعمل تاخدية من ايدو وتبوسيه وتوريه الكخ بيروح فين وطبعا لازم يكون بيقول كلمة ع الأقل عشان مسمى الكخ حاجة ويفهم انو يقول …والله المستعان ومعاكو لا ى استفسارات ربنا يجعل في ميزان حسناتنا دعاوتكم وسنتكلم عن تجارب الامهات في البوتي من ناحية السن المناسب لتعليم الطفل الحمام سواء للاولاد او البنات.
تعليم البوتي للاولاد
بصي … حقولك حاجة انا كنت ضدها جدا و بتفزلك ..بس حق ربنا ساعة الجد هي اللي نفعت بجد …بدل حرقة القلب دي و محاولات و انتكاسات … استني لسن سنتين و نص بالظبط … ستحصلين على أسبوعين فقط و الموضوع كله حينتهي …. لو بداتي دلوقتي برده مش سترتاحي غير لما يكمل سنتين و نص .. هرية بهرية باة استتي لسنتين و نص و أبداي بحزم تخلصي ف أسبوعين فقط.
البوتى تريننج
يعتبر البوتى تريننج هو كلمة انجليزية بمعني تدريب الأطفال على الجلوس على القصرية والتي ظهر لها أسم حديث من اللغة الانجليزية وهو البوتي ، بصي هى فتره مرهقه جدا ليكى استعينى بالله وروحى اشترى بنطلونات قطن واخلعى البامبرز ماتستخدميهوش غير مع النوم وشاهدي الحلقيتين الموجودين بالاعلى من فيديو خطوات تعليم البوتى للدكتور محمد رفعت على اليوتيوب هتلاقيهم بالموضوع هنا مع النصائح الهامة من الأمهات.
اول حاجه الطفل بيعملها اول ما يصحى من النوم بيبي يعنى تحضرى البوتى وتستنى الباشا يصحى وكل نصف ساعه يقعد وبعد اى اكل يقعد وعلى فكره ممكن يقعد ربع ساعة ويقوم وماتلاقيش حاجه عاااااادى خالص ومش عاوزه اقولك بقى لو عمل بيبي تويلت فى البوتى ارقصى وطبلى وزغرطى حسسيه انه عمل عمل بطولى، طبعا ممنوع الضرب لو عمل على نفسه عشان هيعند وبعد كده جيبي قاعدة تويلت صغننه بتتحط على التواليت العادى بدل البوتى، ربنا يعينا جميعا ويهدي اولادنا.
2 تعليقات
تعقيبات: علاج وقوف الشوكة في الزور من الارز او الماء
تعقيبات: تعليم الاطفال الحمام للدكتور محمد رفعت