حماتي زعلتني – حماتي تستفزني هقولكم على قصة حصلت وتقولوا رايكم وربنا يسهل امر البنت ديه يا جماعة، إيه رأيكوا في جوازة اتفركشت ليلة الفرح عشان لما العروسة روحت شقتها مع العريس ملقتش التلاجة الجديدة بتاعتها اللي اهلها جايبينها ولقت بدالها تلاجة قديمة وطلعت حماتها خدت التلاجة الجديدة وحطتلها التلاجة القديمة (حماتي زعلتني).
حماتي زعلتني
ولما العروسة اعترضت وزعقت حماتها بهدلتها ومسحت بيها الارض وقالتلها انتي فاكرة نفسك ايه انتي جاية البيت دة خدامة ليا.. و دة بيت ابني آخد اللي انا عايزاه واعمل اللي انا عايزاه.. وشتمت العروسة بالأب والأم وبهدلتها والعريس واقف بجم مبينطقش.. واهل العروسة فوجئوا ببنتهم يا عيني راجعة لهم بفستان الفرح..وحكتلهم اللي حصل إن حماتي زعلتني واللي اتعمل ده.
وابوها جاب ناس برضو وراح اخد من الشقة كل الحاجات اللي هما جايبينها ودخل شقة ام العريس وخد التلاجة غصب وعمل محضر تبديد قايمة باين ولا ايه وحاليا العريس مسجون ومتبهدل وام العريس راحت لاهل العروسة تعيط واتذللت ليهم وارحموا ابني وبتاع بس الاب كان صعبان عليه الألم النفسي وكسرة الفرحة اللي سببتهم الست لبنته وانها سرقت التلاجة ومرضيش يتنازل عن القضية.
حماتي تستفزني
ولما راحت تقول لابو العروسة ارحم ابني وحرام عليك وكدة بعد ما حماتي زعلتني وعملت اللي عملته ده .. قال لها حرمت عليكي عيشتك وانتي مرحمتيش بنتي ليه وانتي عارفة ان اللي عملتيه دة هيكسر فرحتها وممكن يخرب عليها!! وواضح انك كنتي ناوية تطلعي عينيها وتخليها خدامة ليكي زي ما قلتي وانا بنتي مش خدامة لحد..يعني انا اضيع حياتي في اني اربيها واكبرها وتيجي واحدة زيك متسواش حاجة في سوق النسوان تعمل في بنتي كدة!! والله ما ارحم ابنك ابدا ومش هتنازل عن القضية (إقرأ أيضاً)
كيفية التعامل مع الحماة المتسلطة
ابنك اللي وقف يتفرج على بنت الناس.. وطردها برة البيت بطريقة مهينة وقال لها لو شفت وشك تاني هسجنك انتي كمان.. عشان تبقي تفكري الف مرة قبل ماتستقوي على اي حد.. انتي استضعفتي بنتي بس مأخدتيش بالك ان وراها راجل ياكلك انتي وابنك لحم ويرميكوا عضم.. وطبعا كان الشارع كله تقريبا اتفرج عليها..