عايز حل سريع لوجع الضرس مع الاسنان ، عندي ألم في الضرس أو الاسنان منمتش من امبارح بسبب وجع في سناني، انا مهمل جدا للاسف في مشوار دكتور الاسنان لاني متعقد منه من صغري لاسباب مش هدوشكوا بيها بس ال bottom line اني مهمل جدا في الموضوع ده.

دلوقتي انا من امبارح بالليل جالي الوجع تاني وكنت متعود اخد حباية بايبروفينيد والموضوع بيخلص، خدت واحدة وبعدها بساعة واحدة والوجع ماخفش – بالليل خدت فوار كاتافاست ونفس الموضوع، نزلت الصيدلية اشتريت شريط بروفين 600 وكمان الفوار وخدتهم الاتنين ونفس الكلام الوجع يخف دقايق ويرجع تاني ومن شوية خدت حبايتين بايبروفينيد مع بعض والوضع برضه زي ماهو.

وجع في الاسنان او الضرس بعد المسكنات

دلوقتي انا مانمتش ولا اكلت اي حاجة من امبارح وطول الوقت متنرفز على ولادي لاني مش طايق دوشتهم زي المعتاد، الدكاترة اللي هنا بالله عليكوا حل مؤقت لحد مااروح للدكتور لاني غلبت!.

الحل المقترح في وجع الضرس او الأسنان

معاك الدكتور محمود حسن واضح ان التسوس وصل لعصب السنه ولازم تلجأ لطبيب فورا لان المسكنات مش هتعمل مفعول ابدا، من الخطاء الحصول على كل في هذه الانواع المختلفه من المسكنات دون استشاره الطبيب حيث قد تؤدي الى خلل في جسمك.

طيب ماهو المسكنات لا بتنفع ولا بتضر.. مش بتحل مشكلة يعني روح لدكتور واخلص ياعم ولا لازم اجي اخدك واوديك.

ولازم قبل ماتروحش لدكتور تعمل بانوراما لاسنانك عشان السرعه وماتروحش وترجع تاني.

لازم تروح للدكتور لان المسكنات من اسمها مسكن
اسال الله العظيم رب العرش الكريم أن يشفيك ويعافيك شفاء لا يغادر سقماً .اللهمّ آمين